Ein kvardag med litt meir utsikt
Tenk deg å starte dagen med utsikt over Nordfjorden. Å kunne nyte kaffikoppen på eigen terrasse, ta ein tur i nærområdet eller gå ned til sentrum når du treng noko. I Olahola Allé bur du skjerma og fredeleg, i eit etablert bustadområde på Hogaåsen. Samtidig har du kort veg til butikkar, kafear, skular, barnehagar og andre servicetilbod.
Her får du det beste frå to verder, nærleik til naturen og ein praktisk kvardag med Nordfjordeid like ved.
Finn bustaden som passar livet ditt
I Olahola Allé finn du ulike bustadløysingar, frå praktiske og lettstelte leilegheiter til romslege tomannsbustader med plass til heile familien. Nokre av bustadene gir deg også moglegheita til å leige ut ein eigen del og få ei ekstra inntekt.
La bustaden bidra til å betale for seg sjølv
Å kjøpe bustad handlar ikkje berre om kvar du vil bu, men også om korleis du vil finansiere bustaden. Med tomannsbustadane i Olahola Allé får du ein separat utleigedel på 39 m² med eige soverom, bad og stove/kjøkken.
Den anslåtte marknadsleiga er rundt 10.000 kroner i månaden. Det kan utgjere om lag 120.000 kroner i året. Det gir deg ei ekstra inntektskjelde som kan bidra til å redusere dei månadlege buutgiftene og gjere det enklare å finansiere bustaden.
Endå ein smart fordel: Du kan leige ut delen i starten og eventuelt ta han i bruk sjølv seinare. Når familien får behov for meir plass, kan heile bustaden på 149 m² bli ein del av din eigen heim.
Nordfjordeid – ein stad med plass til å leve
På Nordfjordeid får du ein fin kombinasjon av eit levande lokalmiljø, gode servicetilbod og fantastiske naturopplevingar. Her finn du butikkar, kafear, restaurantar, skular, barnehagar, kulturtilbod og eit aktivt fritidsmiljø. Samtidig har du fjord, fjell og flotte turmoglegheiter like i nærleiken. Frå Olahola Allé bur du med nærleik til det meste, i skjerma og trivelege omgjevnader.
Spør meg om Olahola Allé!
Roger Rimstad
Telefon: 957 22 252
E-post: roger@unu-as.no
Ta kontakt for meir informasjon eller for å avtale vising!
